İcra Hakimiyyəti
Azərbaycan Respublikası Mingəçevir şəhər İcra Hakimiyyəti

Şriftin ölçüsü :

Saytın rəngi :

İcra Hakimiyyəti
Azərbaycan Respublikası Mingəçevir şəhər İcra Hakimiyyəti
Qaynar xətt: (+994 24) 274-46-00

Vətən müharibəsi şəhidi İlkin Ağakişiyevin doğum günü məzarı yanında qeyd olundu.

19 sentyabr 2022 | 15:47

Vətən müharibəsində cəbhənin Tərtər istiqamətində döyüş əməliyyatlarında iştirak edərək Suqovuşanın azad olunması uğrunda şəhid olan Ağakişiyev İlkin Elxan oğlunun 17 sentyabr 2022-ci il tarixdə doğum günü məzarı önündə ruhuna hörmət və ehtiramla qeyd olundu. Şəhidin məzarı üzərinə gül dəstələri düzüldü. Azərbaycan Respublikasının azadlığı, suverenliyi, ərazi bütövlüyü, torpaqlarımızin müdafiəsi və işğaldan azad olunması uğrunda həlak olan şəhidlərimizin ruhuna dualar edildi. Mərasimdə şəhidin ailə üzvləri,yaxınları, şəhid ailələri, müharibə əlilləri və digər ziyarətə gələn insanlar iştirak edirdilər. Şəhər İcra Hakimiyyətinin Vətən müharibəsi iştirakçıları və şəhid ailələri ilə işin təşkili şöbəsinin böyük məsləhətçisi Seymur Hidayətov şəhər İcra Hakimiyyəti Başçısı adından şəhidlərimizə Allahdan rəhmət və ailələrinə səbr dilədi. 3-cü dərəcəli Vətən müharibəsi əlili Pərviz Məmmədov müharibə əlilləri adından şəhidin anasına səbr və dözüm dilədi. İlkin Ağakişiyev 2020-ci ilin sentyabr ayının 21-də səfərbərlik üzrə çağırılmışdı. Təlimlərdə iştirak etdikdən sonra sentyabr ayının 27-si düşmən təxribatının qarşısının alınması üçün döyüşlərə cəlb olunur, Suqovuşanın azad olunması uğrunda gedən döyüş əməliyyatlarında iştirak edir və oktyabr ayının 3-də şəhidlik zirvəsinə ucalır. Şəhidin nəşi 57 gün neytral ərazidə qalır və noyabr ayının 27-si Mingəçevir Şəhidlər Xiyabanında torpağa tapşırılır. Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Respublikasının Prezidenti İlham Əliyevin müvafiq Sərəncamına əsasən Məmmədli Məhəmməd ölümündən sonra "Vətən uğrunda" medalı, "Suqovuşanın azad olunmasına görə" medalı və "Cəsur döyüşçü" medalı ilə təltif edilib.

Vətən müharibəsi şəhidi İlkin Ağakişiyevin doğum günü məzarı yanında qeyd olundu.
Keçidlər