İcra Hakimiyyəti

Azərbaycan Respublikası Mingəçevir şəhər İcra Hakimiyyəti

Azərbaycan Respublikası Mingəçevir şəhər İcra Hakimiyyəti

Qaynar xətt: (+994 24) 274-46-00

Şəhid Şahmar Ağasəf oğlu Məmmədovun doğum günü qeyd olundu

14 iyul 2022 | 12:44

İyulun 12-də Qəbələ rayonunun Vəndam kəndində anadan olan şəhid Şahmar Ağasəf oğlu Məmmədovun doğum günü onun yaxınları, qohumları, dostları ilə birgə qeyd olundu. 44 günlük Vətən müharibəsində qəhrəmanlıq nümunələri göstərən şəhidimiz məzarı önündə yad olundu. Burada onun xatirəsinə dualar oxundu, xoş sözlər söylənildi. 2016-cı ilin aprel döyüşlərində iştirak edən, göstərdiyi rəşadətlərə görə medallarla təltif olunan Şahmar Ağasəf oğlu müddətdən artıq hərbi xidmət qulluqçusu kimi 2020-ci ildə Vətən müharibəsinin ilk günündən döyüşlərə qatılıb. Vətən müharibəsinin ilk günündə Tərtər rayonunun Suqovuşan qəsəbəsi istiqamətində döyüşlərə cəlb olunub. Xüsusi rəşadətlər göstərən igid əsgər həmin döyüşlər zamanı şəhidlik zirvəsinə yüksəlib. Mingəçevir Şəhidlər Xiyabanında dəfn olunub. Ölümündən sonra göstərdiyi şücaətlərə görə ölkə prezidenti İlham Əiyevin sərəncamları ilə medallarla təltif olunub. Tədbirdə iştirak edən Mingəçevir şəhər İcra hakmiyyəti başçısı aparatının şöbə müdiri Sahib Əliyev və ictimai-siyasi hümanitar məsələlər şöbəsi müdirinin müavini Elşən Əliyev şəhidin məzarı önünə gül dəstələri qoyaraq ehtiramlarını bildirmiş, ailə üzvlərinə başsağlığı verərək bir daha onlara səbir diləmişlər.

Şəhid Şahmar Ağasəf oğlu Məmmədovun doğum günü qeyd olundu

Keçidlər