Şəhid leytenant Həsənli Eldar Müşfiq oğlunun məzarı ziyarət edildi
14 avqust 2023 | 13:42
İşğaldan azad olunmuş Kəlbəcər rayonu ərazisində döyüş tapşırığını icra edərkən həlak olan şəhid leytenant Eldar Həsənlinin məzarı bu gün dəfn olunduğu Yevlax rayon Salahlı kənd qəbristanlığında ziyarət edildi, xatirəsi yad olundu və şəhidlərimizin ruhlarına dualar edildi. Ziyarətdə şəhidin ailə üzvləri, digər şəhid ailələri, şəhər İcra Hakimiyyətinin Vətən müharibəsi iştirakçıları və şəhid ailələri ilə işin təşkili şöbəsinin əməkdaşı, Qarabağ müharibəsi veteranları, əlilləri və şəhid ailələri ictimai birliyinin sədr müavini, digər əlillər, şəhidin xidmət etdiyi hərbi hissənin hərbi qulluqçuları, təhsil aldığı Universitetin kollektivi, kənd sakinləri iştirak edirdi. Şəhər İcra Hakimiyyəti başçısı adından şəhidin ailə üzvlərinə və yaxınlarına baş sağlığı verildi, torpaqlarımızın müdafiəsi, azadlığımız, suverenliyimiz, ərazi bütövlüyümüzün bərpa olunması uğrunda canını fəda edən və həlak olan şəhidlərimizə Allahdan rəhmət yaxınlarına səbr diləndi.
