Mingəçevir şəhərində Vətən müharibəsi şəhidi İbrahimov Elmar Nəriman oğlunun doğum günündə xatirəsi anılıb.
02 sentyabr 2022 | 17:46
Vətən müharibəsində cəbhənin Tərtər istiqamətində döyüş əməliyyatlarında iştirak edərək Suqovuşanın azad olunması uğrunda döyüşlərdə şəhid olan İbrahimov Elmar Nəriman oğlunun məzarı 02 sentyabr 2022-ci il tarixində Mingəçevir şəhər İcra Hakimiyyətinin Vətən müharibəsi iştirakçıları və şəhid ailələri ilə işin təşkili şöbəsinin böyük məsləhətçisi Seymur Hidayətov, Qarabağ Müharibəsi Əlilləri , Veteranları və Şəhid ailələri ictimai Birliyinin şəhər şöbəsinin sədr müavini Pərviz Məmmədov, yaxınları və digərləri tərəfindən Mingəçevir Şəhidlər Xiyabanında ziyarət olunub, məzarına gül dəstəsi qoyulub və xatirəsi ehtiramla yad edilib. Şəhidlərimizin ruhuna dualar oxunub. Mingəçevir şəhər İcra Hakimiyyətinin Vətən müharibəsi iştirakçıları və şəhid ailələri ilə işin təşkili şöbəsinin böyük məsləhətçisi Seymur Hidayətov şəhər İcra Hakimiyyəti Başçısı adından Azərbaycan Respublikasının azadlığı, suverenliyi, ərazi bütövlüyü, torpaqlarımızın müdafiəsi və işğaldan azad olunması uğrunda həlak olan şəhidlərimizə Allahdan rəhmət, yaxınlarına səbr diləyib. Azərbaycan Ordusunun 44 günlük Vətən müharibəsindəki uğurlarından söhbət açıb. 3-cü dərəcəli Vətən müharibəsi əlili Pərviz Məmmədov Qarabağ müharibəsi əlilləri və veteranları adından şəhidimizin ailəsinə baş sağlığı verib. Onunla eyni cəbhədə döyüşən əsgərlərimizin mərdliyindən, qorxmazlığından və cəsarətindən danışıb. Tədbirdə çıxış edənlər şəhidin keçdiyi şərəfli həyat yolundan və döyüşlərdə iştirakından söhbət açıblar. Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Respublikasının Prezidenti İlham Əliyevin müvafiq Sərəncamlarına əsasən şəhid İbrahimov Elmar Nəriman oğlu ölümündən sonra “Vətən uğrunda”, “Cəsur döyüşçü” və “ Suqovuşanın azad olunmasına görə” medalları ilə təltif olunub. Allah şəhidlərimizə rəhmət etsin!
