İcra Hakimiyyəti
Azərbaycan Respublikası Mingəçevir şəhər İcra Hakimiyyəti

Şriftin ölçüsü :

Saytın rəngi :

İcra Hakimiyyəti
Azərbaycan Respublikası Mingəçevir şəhər İcra Hakimiyyəti
Qaynar xətt: (+994 24) 274-46-00

Mingəçevir şəhərində Vətən müharibəsi şəhidi Əhmədov İslam İlqar oğlunun doğum günündə xatirəsi anılıb.

19 sentyabr 2022 | 15:53

Vətən müharibəsində cəbhənin Füzuli istiqamətində döyüş əməliyyatlarında iştirak edərək şəhid olan Əhmədov İslam İlqar oğlunun məzarı 19 sentyabr 2022-ci il tarixdə Mingəçevir Şəhidlər Xiyabanında ziyarət olunub, məzarına gül dəstəsi qoyulub, xatirəsi ehtiramla yad edilib və şəhidlərimizin ruhuna dualar oxunub. Tədbirdə Mingəçevir şəhər İcra Hakimiyyətinin Vətən müharibəsi iştirakçıları və şəhid ailələri ilə işin təşkili şöbəsinin böyük məsləhətçisi Seymur Hidayətov, şəhid ailələri, şəhidin yaxın qohumları, şəhər sakinləri və digər ziyarətə gələnlər iştirak ediblər. Seymur Hidayətov şəhər İcra Hakimiyyəti Başçısı adından Azərbaycan Respublikasının azadlığı, suverenliyi, ərazi bütövlüyü, torpaqlarımızın müdafiəsi və işğaldan azad olunması uğrunda həlak olan şəhidlərimizə Allahdan rəhmət, yaxınlarına səbr diləyib. Azərbaycan Ordusunun müddətdən artıq həqiqi hərbi xidmət hərbi qulluqçusu olan İslam Əhmədov 2020-ci il sentyabrın 27-də Azərbaycan Silahlı Qüvvələri tərəfindən Ermənistanın işğalı altında olan ərazilərin azad edilməsi üçün başlanan Vətən müharibəsi zamanı Füzulinin azadlığı uğrunda gedən döyüşlərdə savaşıb. İslam Əhmədov sentyabr ayının 27-də Füzuli döyüşləri zamanı şəhid olub. İslam Əhmədov sentyabr ayının 28-də Mingəçevir Şəhidlər Xiyabanında dəfn olunub. İslam Əhmədov xidmət etdiyi dövrlərdə Azərbaycan Respublikasının Müdafiə Nazirinin müvafiq əmri ilə “Azərbaycan Respublikasının Silahlı Qüvvələrinin 95 illiyi” yubiley medalı və “Azərbaycan Ordusunun yaranmasının 100 illiyi” yubiley medalı ilə təltif olunmuşdur. Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən İslam Əhmədov ölümündən sonra "Vətən uğrunda" medalı və “Cəsur döyüşçü” medalı ilə təltif edilib. Allah şəhidlərimizə rəhmət etsin!

Mingəçevir şəhərində Vətən müharibəsi şəhidi Əhmədov İslam İlqar oğlunun doğum günündə xatirəsi anılıb.
Mingəçevir şəhərində Vətən müharibəsi şəhidi Əhmədov İslam İlqar oğlunun doğum günündə xatirəsi anılıb.
Keçidlər