Mingəçevir şəhərində qida təhlükəsizliyi ilə əlaqədar maarifləndirici görüşlər keçirilib.
11 aprel 2025 | 10:27
Azərbaycan Respublikası Prezidentinin 29 aprel 2019-cu il tarixli, 1143 nömrəli Sərəncamı ilə təsdiq olunmuş “Azərbaycan Respublikasında qida təhlükəsizliyinin təmin edilməsinə dair 2019-2025-ci illər üçün Dövlət Proqramı”nın 10.12.3-cü (Qida məhsullarının konservləşdirilməsi, həmin məhsulların saxlanılması və istifadəsi zamanı sanitariya-gigiyena norma və qaydalarına riayət olunması ilə bağlı əhali arasında təşviqat və maarifləndirmə işlərinin aparılması), 10.12.4-cü (Sağlam və rasional qidalanma istiqamətində təşviqat işlərinin aparılması), 10.12.5-ci (Xüsusi həssas əhali qruplarının (uşaqlar hamilə qadınlar və.s) sağlam qidalanmasının təmin edilməsi istiqamətində tədbirlərin həyata keçirilməsi) bəndlərinin icrasının təmin edilməsi məqsədilə Mingəçevirdə maarifləndirici görüşlər keçirilmişdir.
Şəhər İcra Hakimiyyətinin təşkilatçılığı, Qida Təhlükəsizliyinin Mərkəzi Aran Regional bölməsinin, Gigiyena və Epidemiologiya Mərkəzinin mütəxəssislərinin birgə iştrakı ilə əhali arasında, şəhərdə fəaliyyət göstərən bazarlarda, iri ticarət mərkəzlərində, təhsil müəssisələrində maarifləndirmə işləri aparılaraq bukletlər paylanılmış, eyni zamanda “Sağlam qidalanma həftəsi”nin keçirilməsi ilə bağlı təşviqat işləri həyata keçirilmişdir.