Mingəçevir şəhərində məhəllələrarası idman yarışlarına böyük diqqət yetirilir
15 iyul 2022 | 16:03
Son zamanlar Mingəçevir şəhərində məhəllələrarası idman yarışlarına böyük diqqət yetirilir. Belə yarışlardan biri iyunun 14-dən start götürən müxtəlif idman növləri üzrə məhəllələrarası şəhər birinciliyidir. Yarışlara 15 iyul 2022-ci ildə Aşıq Qurbani küçəsindəki stadionda yekin vurulmuşdur. Qeyd etmək istəyirik ki, bu yarışlar Mingəçevir şəhər İcra Hakimiyyəti və şəhər Gənclər İdman İdarəsinin birgə təşkilatçılığı ilə həyata keçirilmişdir. Yarışlar mini futbol, şahmat və idmanın digər növləri üzrə təşkil olunmuşdur. Son mərhələdə mini futbol yarışının final mərhələsi keçirilmişdir. Məlumat üçün qeyd edək ki, bu yarışlarda 16 komanda iştirak etmişdir. Xüsusilə bildirmək istəyirik ki, Azərbaycan İES yaşayış massivində bir qrup təşkil olunmuş və burada 4 komanda mübarizə aparmışdır. Şəhərin digər məhəllələrində də gərgin oyunlar keçirilmişdir. Yarımfinal mərhələsinə 1, 3, 8 nömrəli MİS-lərlə bərabər Azərbaycan İES yaşayış massivinin mini futbolçuları da vəsiqə qazanmışlar. Final mərhələsinə isə 1 və 3 nömrəli MİS-lərin idmançıları çıxmışlar. 3-cü və 4-cü yer uğrunda mübarizədə qalib gələn 8 nömrəli MİS-in komandası 3-cü yeri, final mərhələrində isə 1 və 3 nömrəli MİS-lərin idmançıları mübarizə aparmışlar. Daha yaxşı çıxış edən 3 nömrəli MİS-in idmançıları birinci yerə layiq görülmüşlər. Bundan əvvəl isə şahmat üzrə yarışlara yekun vurulmuşdur. Bu yarışlara şəhərimizin 60 idmançısı, oğlan və qızlar üzrə ayrı ayrlıqda yarışlara qoşulmuşdur. 3 oğlan, 3 qız şahmatçılara medallar, kubok və qiymətli hədiyyələr verilmişdir, Yarışların yekin mərhələsində iştirak edən şəhər İcra Hakimiyyətinin başçısı İlham İsmayılov, şəhər Gənclər İdman İdarəsinin rəisi Kamal Nəcəfli qalibləri təbrik etmişlər. Tədbirdə çıxış edən şəhər İcra Hakimiyyətinin başçısı İlham İsmayılov ölkəmizdə və eləcə də şəhərimizdə idmana və idmançılara göstərilən diqqət və qayğıdan bəhs etmiş, qalibləri əldə etdikləri uğurlara görə təbrik etmişdir. İcra başçısı eyni zamanda fəxri kürsünün yüksək pilləsini tutan idmançılara kubok, medallar və qiymətli hədiyyələr təqdim etmişdir.
