Mingəçevir şəhər stadionunda təmir bərpa işlərinə baxış keçirildi
14 iyul 2022 | 12:14
2022-ci 2023 cü illər üzrə Azərbaycanda futbol çempionatı yaxınlaşdıqca stadionlar və idman meydançalarının əsaslı təmirinin aparılmasına diqqət artırılır. Bu baxımdan Mingəçevir şəhər stadionunda böyük işlər həyata keçirilir. Stadionun yaşıl meydançası qaydaya salınır, azarkeşlərin rahatlığı üçün oturacaqlar nizamlanır, futbolçuların geyinib-soyunma otaqları, duşxana və sanitar qovşaqları, eləcə də tribunası təmir olunur. Mingəçevir şəhər İcra Hakimiyyətinin başçısı İlham İsmayılovun bilavasitə yaxından dəstəyi ilə həyata keçirilən bu işlər avqust ayının üçüncü ongünlüyündə tam başa çatdırılmalıdır. Buna görə də şəhər İcra Hakimiyyətinin başçısı və işin həyata keçirilməsində maliyyə dəstəyi göstərən şəhər Bələdiyyəsinin sədri, təsərrüfat rəhbərləri və işi həyata keçirən idarə, müəssisə təşkilat rəhbərləri ilə birgə şəhər stadionunda aparılan təmir-bərpa işlərinə baxış keçirdilər. İyulun 14-də keçirilən tədbirdə mətbuat işçiləri də iştirak edirdiər. Qaynar işlə tanışlıq ilk baxışdan xoş təəssüratlar yaratdı. Belə ki, stadionun əsas tribunası futbolçuların geyinib-soyunma otaqları, duşxanaları, eləcə də azarkeşlərin rahatlığı üçün tribunalarda oturacaqların yerləşdirilməsi havanın isti keçməsinə baxmayaraq ciddi şəkildə qaydaya salınırdı. Şəhər Mənzil-Təsərrüfatı İstehsalat Birliyinin, Mənzil Kommunal Təsərrüfatı və Abadlaşdırma idarəsinin, Mənzil Kommunal Təsərrüfatı Kombinatının işçiləri verilən tapşırıqları layiqincə yerinə yetirirdilər. Şəhər rəhbəri işlərin gedişatı ilə tanış olduqca müəyyən təəssüratlarını bölüşür, əlavə tapşırıqlarını verirdi. İşlə tanışlıqdan sonra “Mingəçevir” futbol komandasının hazırlıq vəziyyəti və qarşıda duran planları ilə də maraqlandı. Görüşdə iştirak edən təşkilat rəhbərlərini narahat edən bir sıra məsələlərə aydınlıq gətirildi. İşin daha yaxşı getməsi üçün şəhər Yaşıllaşdırma və Sanitar Təmizlik idarəsinə işə dəstək məqsədi ilə əlavə tapşırıqlar verdi. Stadionda tez-tez belə görüşlərin keçiriləcəyini diqqətə çatdrdı.
