Mingəçevir şəhər İcra Hakimiyyətinin başçısı İlham İsmayılovun vətəndaşlarla növbəti səyyar görüşü mart ayının 13-də keçirilib.
14 mart 2025 | 10:34
Energetiklər yaşayış massivində, Tibb Kollecində görüşdə İcra Hakimiyyətinin başçısı aparatının məsul əməkdaşları, polis şöbəsinin rəisi, yaşayış massivindəki küçələrdən və fərdi evlərdən gələn sakinlər, Mingəçevir Bələdiyyəsinin, idarələrin, kommunal xidmət müəssisələrinin rəhbərləri və təmsilçiləri, mətbuat işçiləri iştirak ediblər.
Görüşü açan İcra Hakimiyyətinin başçısı İlham İsmayılov Prezident İlham Əliyevin rəhbərliyi ilə ölkəmizdə reallaşan abadlıq-quruculuq işlərinin vətəndaşların rifah halının yaxşılaşdırılması məqsədi daşıdığını bildirib. Qarşıdan gələn Novruz bayramı münasibəti ilə sakinlərə təbriklərini və xoş arzularını çatdıran şəhər rəhbəri şəhərdə həyata keçiriləcək quruculuq içləri çərçivəsində nümunəvi məhəllələrin, yeni park-xiyabanların yaradılacağını bildirib.
Görüşdə iştirak edən sakinlər problemlərdən danışıblar. Bəzi ərazilərdə işıqlanmanın olmaması, kanalizasiya xəttinin çəkilişinin yarımçıq qalması və ya birləşmənin bərpa olunmaması səbəbindən asfalt örtüyünün çəkilməməsi, həyətlərə oturacaq qoyulması, zirzəmilərdə dezinfeksiya işlərinin aparılması kimi müraciətlər edilib. Bəzi ərazilərdə piyada keçidinin olmaması, avtomobillərin şosse yollarda tıxaclar yaratması səbəbindən marşrut avtobusların dayanacaqlarda duruşu üçün problemlə üzləşməsi barədə fikirlər diqqətə çatdırılıb. Mənzil məcəlləsində dəyişikliklə bağlı müraciətə mütəxəssis tərəfindən ayrdınlıq gətirilib.
Şəhər rəhbəri İlham İsmayılov sakinlərə diqqətə çatdırılan problemlərin nəzarətə götürüldüyinü bildirərək müvafiq müəssisə rəhbərlərinə tapşırıqlarını verib
