Mingəçevir şəhər İcra Hakimiyyətinin başçısı İlham İsmayılovun vətəndaşlarla növbəti səyyar görüşü aprel ayının 3-də keçirilib.
04 aprel 2025 | 10:24
R.Mirabov adına 7 nömrəli tam orta məktəbin akt zalında keçirilən görüşdə İcra Hakimiyyətinin başçısı aparatının məsul əməkdaşları, polis şöbəsinin rəisi, yaxın küçələrdəki binalardan və müxtəlif ərazilərdəki fərdi evlərdən gələn sakinlər, Mingəçevir Bələdiyyəsinin, idarələrin, kommunal xidmət müəssisələrinin rəhbərləri və təmsilçiləri, mətbuat işçiləri iştirak ediblər.
Görüşü açan İcra Hakimiyyətinin başçısı İlham İsmayılov ölkə Prezidenti cənab İlham Əliyevin rəhbərliyi ilə həyata keçirilən abadlıq-quruculuq işləri barədə ətraflı məlumat verib.
Çıxış edən sakinlər bəzi ərazilərdə, xüsusən dalanlarda işıq nöqtələrinin olmaması və asfalt örtüyünün çəkilməməsi, zirzəmilərdə olan çirkab sularının çəkilməsi, dezinfeksiya işlərinin aparılması, məişət tullantıları üçün nəzərdə tutulan zibil qablarının azlığı ,qurumuş ağacların budanması, yaşıllıq zolaqlarına texniki su xəttinin çəkilməsi təklifi, eləcə də digər sosial problemləri diqqətə çatdırıblar.
Şəhər rəhbəri İlham İsmayılov qeyd olunan problemlərin nəzarətə götürüldüyinü bildirərək aidiyyəti müəssisə rəhbərlərinə tapşırıqlarını verib.