Mingəçevir şəhər İcra Hakimiyyətinin başçısı İlham İsmayılovun sakinlərlə növbəti səyyar görüşü yanvar ayının 15-də Ü.Hacıbəyli adına 1 nömrəli musiqi məktəbinin akt zalında keçirilib
17 yanvar 2025 | 14:02
Görüşdə çıxış edən sakinlər həyata keçirilən quruculuq işlərinə görə ölkə prezidentinə minnətdarlıqlarını bildirərək, onları narahat edən problemlərdən danışıblar. Bəzi binalarda kanalizasiya sistemində olan problem səbəbindən zirzəmiyə çirkab suyun tökülməsi, binaların qarşısında oturacaq və kölgəliyin olmaması, qurumuş və ya fiziki cəhətdən ömrünü bitirmiş ağacların budanmasının zəruriliyi diqqətə çatdırılıb. Vətəndaşlar qeyd ediblər ki, yaşıllıqların suvarılması üçün su xətti çəkilməlidir, bəzi binalar əsaslı təmir olunmalıdır, uşaqlar üçün idman meydanları, əyləncə qurğuları yoxdur, gözəl və müasir formada təmir olunan, asfaltlanan binanın qarşısından avtomobillərin sürətlə keçməsi narahatlıq yaradır və s.
Keçidlər
