İcra Hakimiyyəti

Azərbaycan Respublikası Mingəçevir şəhər İcra Hakimiyyəti

Azərbaycan Respublikası Mingəçevir şəhər İcra Hakimiyyəti

Qaynar xətt: (+994 24) 278-46-00

Mingəçevir Şəhər İcra Hakimiyyətində “İnsan Hüquqları Aylığı” çərçivəsində tədbir keçirilmişdir.

12 iyun 2026 | 10:29

Azərbaycanın İnsan Hüquqları üzrə Müvəkkili (Ombudsmanın) tərəfindən “İnsan Hüquqları Aylığı”nın elan olunması ilə bağlı Mingəçevir Şəhər İcra Hakmiyyətində tədbir keçirilib. Bununla bağlı Hüquq və Kadr Məsələləri sektorunun müdiri Aynurə Xanlarova Şəhər İcra Hakmiyyəti başçısı İlham İsmayılovun iştirakı ilə keçirilən tədbirdə insan hüquqlarının qorunmasında dövlət orqanlarının rolundan danışaraq Şəhər İcra Hakimiyyəti tabeliyində olan müəssisələrə, eləcə də şəhər ərazisində fəaliyyət göstərən idarə, təşkilat və müəssisə rəhbərlərinə müraciət edib.

Müraciətdə qeyd olunub ki, insan hüquq və azadlıqlarının müdafiəsi və təşviqi Azərbaycanın dövlət siyasətinin prioritet istiqamətlərindən biridir. Ulu Öndər Heydər Əliyevin təşəbbüsü ilə 1998-ci il 18 iyun tarixində təsdiq olunmuş ilk “İnsan Hüquqlarının Müdafiəsinə dair Dövlət Proqramı” bu sahədə strateji fəaliyyətin əsasını qoyub. Bu mühüm sənədə əsaslanaraq, Prezident cənab İlham Əliyevin 2007-ci il tarixli Sərəncamı ilə 18 iyun ölkəmizdə rəsmi olaraq İnsan Hüquqları Günü kimi təsis edilib və həmin tarix hər il qeyd olunur. Ombudsman tərəfindən bu əlamətdar gün ərəfəsində ənənəvi olaraq 18 may – 18 iyun tarixləri “İnsan Hüquqları Aylığı” elan olunur.

Çıxış zamanı insan hüquq və azadlıqlarının müdafiəsi sahəsində yeri icra hakimiyyəti tərəfindən həyata keçirilən tədbirlər barədə məlumat verilmişdir. Bukletlər hazırlanaraq təqdim edilmiş və həmçinin İnsan hüquqlarının həyata keçirilməsi sahəsində idarə, təşkilat və müəssisələrin üzərinə düşən vəzifələrdən bəhs etmiş, aidiyyəti qurumlara bu istiqamətdə fəaliyyətini gücləndirməyin, vətəndaş müraciətlərinə həssas yanaşmanın və hüquqi maarifləndirmə işlərinin davam etdirilməsinin tövsiyyə olunduğunu bildirilmişdir

Mingəçevir Şəhər İcra Hakimiyyətində “İnsan Hüquqları Aylığı” çərçivəsində tədbir keçirilmişdir.

Mingəçevir Şəhər İcra Hakimiyyətində “İnsan Hüquqları Aylığı” çərçivəsində tədbir keçirilmişdir.

Keçidlər