Mingəçevir şəhər İcra Hakimiyyəti başçısının iyun ayında əhali ilə keçirdiyi səyyari görüşlər barədə məlumat
03 iyul 2023 | 18:59
2023 cü ilin iyun ayı ərzində şəhər İcra Hakimiyyətinin başçısı N.Nərimanov, Nizami, F.Əzimov, Ş.İ.Xətai küçələrində 4 səyyar görüş keçirmiş və 278 nəfər iştirak etmişdir. 45 nəfər vətəndaş tərəfindən 71 müxtəlif təklif və problemlər qaldırılmışdır. Qaldırılan məsələlər əsasən məhəllədaxili asfaltlanma işlərinin görülməsi, binaların təmiri,suvarma xəttinin çəkilməsi, kanalizasiya xətlərinin təmiri, işlə təmin olunma, binanın qarşısına oturacaq qoyulması, məhəllə daxili abadlıq işlərinin aparılması, ağacların budanması, binaların dezinfeksiya olunması, binalarda istilik sisteminin bərpa olunması ilə bağlı olmuşdur. Qaldırılan məsələlər üzrə verilmiş 38 tapşırığın 26-sı (məhəllədə təmizlik və abadlıq işləri-8, ağacların budanması-6, yaşıllıqlara qulluq-4, kanalizasiya xəttinin təmiri-3, işıqlanma-2, asfaltlanma-1, binanın dezinfeksiya olunmas-1 və s.) müsbət həll olunmuş 12-nin icrası davam edir, 33 müraciətə (binanın və məhəllənin əsaslı təmiri-8, işlə təmin olunma-7, məhəlləyə suvarma xəttinin çəkilməsi-5, istilik sisteminin bərpa olunması-3 və s) isə qanuna müvafiq izahat verilmişdir. Sənədlərlə və vətəndaşların müraciətləri ilə iş şöbəsi
