İcra Hakimiyyəti

Azərbaycan Respublikası Mingəçevir şəhər İcra Hakimiyyəti

Azərbaycan Respublikası Mingəçevir şəhər İcra Hakimiyyəti

Qaynar xətt: (+994 24) 278-46-00

Aprel döyüşlərində şəhid olan Adil Adilzadənin ailəsi ziyarət olunub.

10 aprel 2026 | 14:35

Aprelin 10-da Mingəçevir şəhər İcra Hakimiyyətinin başçısı İlham İsmayılov şəhərin hüquq-mühafizə orqanlarının rəhbərləri ilə birgə şəhid Adil Adilzadənin ailəsini yaşadığı evdə ziyarət etdi. Ziyarət zamanı şəhidlərimizin əziz xatirəsi ehtiramla yad edildi, onların ailə üzvləri ilə səmimi söhbətlər aparıldı.

Şəhər rəhbəri İlham İsmayılov ziyarət zamanı qeyd etdi ki, şəhid ailələrinə diqqət və qayğı hər bir vətəndaşın mənəvi borcudir, onların göstərdiyi fədakarlıq heç zaman unudulmayacaq. 2016-cı ilin Aprel döyüşləri Azərbaycanın hərb tarixində mühüm mərhələ olmaqla yanaşı böyük Zəfərə aparan yolun başlanğıcı olub. Həmin döyüşlər zamanı Azərbaycan Ordusu yüksək döyüş hazırlığı, peşəkarlıq və qəhrəmanlıq nümayiş etdirərək mühüm strateji mövqeləri azad etdi. Aprel döyüşləri zamanı Talış kəndi ətrafındakı yüksəkliklər, Lələ təpə yüksəkliyi və digər istiqamətlərdə yerləşən vacib yollar düşməndən azad olunub, bununla da Azərbaycan Ordusunun gücü və döyüş ruhu bir daha təsdiqləndi.

Şəhər rəhbəri qeyd edib ki, bu uğurların məntiqi davamı olaraq baş verən 44 günlük Vətən Müharibəsi Azərbaycan xalqının parlaq Qələbəsi ilə başa çatdı. Bu tarixi Qələbə nəticəsində ölkəmizin ərazi bütövlüyü bərpa olundu və şəhidlərimizin qanı yerdə qalmadı.

Şəhidin valideyinləri onlara göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci Vitse Prezident Mehriban xanım Əliyevaya öz dərin minnətdarlıqlarını bildiriblər.

Şəhidin ailəsinə İcra Hakimiyyətinin adından ərzaq bağlaması verilib.

Qeyd edək ki,bundan öncə şəhid Teymur Qasımovun ailəsi ziyarət olunub daha sonra Rüstəm Əhmədovun və Rahim Tağıyevin də ailələri ziyarət olunacaqdır.

Aprel döyüşlərində şəhid olan Adil Adilzadənin ailəsi ziyarət olunub.

Aprel döyüşlərində şəhid olan Adil Adilzadənin ailəsi ziyarət olunub.

Aprel döyüşlərində şəhid olan Adil Adilzadənin ailəsi ziyarət olunub.

Keçidlər