ANIM GÜNÜ mingəçevirlilər şəhidlərin məzarlarını ziyarət etdilər
27 sentyabr 2025 | 22:04
27 sentyabr-ANIM GÜNÜ münasibəti ilə Mingəçevir şəhər İcra Hakimiyyətinin başçısı İlham İsmayılov və aparatın əməkdaşları, hüquq mühafizə orqanlarının, idarə və müəssisəlırin rəhbərliyi və kollektivləri, ictimaiyyət və mətbuat nümayəndələri, təhsil, səhiyyə və mədəniyyət işçiləri Mingəçevir Şəhidlər Xiyabanına gedərək Azərbaycanın ərazi bütövlüyü uğrunda həlak olan şəhidlərin məzarlarını ziyarət etmişlır. Şəhidlərin xatirəsinə dualar oxunub. 44 günlük Vətən müharibəsi, sonrakı təxribatlar, antiterror əməliyyatı zamanı həlak olan 59 şəhidin xatirəsinə xiyabanın yaşıllıq zolağına həmişəyaşıl ağac tingləri əkilib. Şəhidlərin xatirəsinə hazırlanmış sərgilərə baxış olub. Sonra şəhidlərin məzarlarını ziyarət edərək qərənfillər düzən İcra başçısı İlham İsmayılov onlara Allahdan rəhmət, ailə üzvlərinə səbirlər diıəyib. Mərasim iştirakçıları İtkinlərin abidə kompleksi qarsısına da qərənfillər düzərək ehtiramlarını ifadə ediblər. Tədbirdə İlham İsmayılov birinci Qarabağ və Vətən müharibəsi qaziləri ilə görüşərək onların qəhrəmanlıqlarının unudulmadığını bildirib,,qayğı və problemləri ilə maraqlanıb. Saat 12.00- da şəhidlərimizin xatirəsinə sükut olub, nəqliyyat vasitələrinin səs siqnalları yayıldı.
