Abadlıq quruculuq işləri davam edir.
Dekabrın 30-da Mingəçevir şəhər İcra hakimiyyətinin başçısı İlham İsmayılov energetiklər qəsəbəsində görülən əsaslı tikinti işləri ilə tanış olub. Abdulla Şaiq küçəsindəki 5 saylı binanın qarşısında görülən yenidənqurma işlərinə baxışı zamanı şəhər rəhbəri bəzi iradlarını bildirib. Sakinlərin rahatlığı məqsədi ilə həyata keçiriıən işlərin keyfiyyətinə diqqət göstərməyin vacibliyini vurğulayıb. Sonra İlham İsmayılov Yadigar Mənsurov küçəsində yaradılan istirahət məkanında görülən işlərlə tanış oldu və tapşırıqlarını verdi. Tərəvəzçilik massivinə gedən İcra başçısı burada salınan istirahət məskənində işin gedişinə baxdı , tövsiyyə və tapşırıqlarını verdi. Daha sonra keçmiş doğum evindən sovxoza gedən yolda həyata keçirilən əsaslı tikinti işləri ilə tanışlıq edən icra başçısı ölkə prezidenti İlham Əliyevin tapşırıqlarına və sərəncamlarına əsasən ölkəmizin hər yerində olduğu kimi Mingəçevirdə də reallaşan quruculuq işlərinin yeni təqvim ilində də uğurla davam etdiriləcəyinə əminliyini ifadə etdi.
