Vətən müharibəsi şəhidləri yad edildi

04 dekabr 2020 | 16:00

03 dekabr 2020-ci il tarixdə Ölkə Prezidenti cənab İlham Əliyevin Sərəncamı ilə Azərbaycan Respublikasında Vətən müharibəsi şəhidlərinin xatirəsini yad etmək məqsədilə 2020-ci il dekabrın 4-də saat 12:00-da bir dəqiqəlik sükut elan edilməsi qərar alınmışdır.
Şəhər İcra Hakimiyyətinin başçısı cənab İlham İsmayılov hüquq-mühafizə orqanlarının rəhbərləri ilə Şəhidlər Xiyabanında vətən uğrunda canlarını fəda etmiş şəhidlərin məzarı üzərinə gül dəstələri qoyaraq, hörmət və ehtiramlarını bildirmişlər.

Bu münasibətlə dekabrın 4-də şəhər İcra Hakimiyyətinin qarşısında aparatın işçiləri şəhidlərimizin xatirəsini bir dəqiqəlik sükutla yad etmişlər.

Şəhər Polis şöbəsinin əməkdaşları da şəhidlərin xatirəsini 1 dəqiqəlik sükutla yad etdilər.

Mingəçevir Cümə Məscidində dindarlar tərəfindən Şəhidlərin ruhuna Quran oxunmuş və dualar edilmişdir.

Allah Şəhidlərimizə Rəhmət Eləsin.

Keçidlər