Mingəçevirdə ötən il səyyar görüşdə qaldırılan məsələlər öz müsbət həllini tapır.

    Ölkə Prezidenti cənab İlham Əliyevin yürütdüyü məqsədyönlü dövlət siyasətinin əsasını təşkil edən vətəndaş amili Mingəçevirdə  daim diqqət mərkəzində saxlanılır. Son 2 ildə  şəhər  rəhbərliyi tərəfindən vətəndaşların ərizə və müraciətlərinə əsasən fərdi şəkildə keçirilən qəbullar, sakinlərlə keçirilən səyyar görüşlərdə səslənən fikirlərə, qaldırılan məsələlərə operativ şəkildə baxılması bunun bariz nümunəsidir.
     Mingəçevir şəhər  İcra Hakimiyyətinin başçısı İlham İsmayılov  rəhbər təyin olunduğu ilk gündən şəhərdə  keçirdiyi səyyar görüşlər də məhz sakinləri narahat edən məsələlərin öz müsbət həllini tapmasına xidmət edir. İcra başçısının səyyar görüşdə  səsləndirilən hər bir məsələyə xüsusi qayğı ilə yanaşması, həlli istiqamətində konkret tapşırıqlar verməsi bunu hər zaman sübut edir.
     Bu gün baxş keçirilən şəhərin sağ sahil Yaşar Muradov və Ə.Şıxlıniski  küçələrində  asfaltlanma və abadlıq işlərinə başlanılıb. Ötən il səyyar görüşlərdə bu ərazi ilə bağlı sakinlər məsələ qaldırmışdır.Bu başlanılan işlər  bu dediklərimizin əyani sübutudur.İcra başçısı bildirib ki,məqsədimiz insanların yaxşı  yaşaması üçün nə şəriat varsa yaratmalıyıq və bu bizim borcumuzdur. Həmçinin başçı aidiyyatı qurumlara həmin ərazidə sahibsiz itləriin öz qaydası ilə  zərərsizləşdirilməsi və ərazidə yaşayan sakinlərin mal-heyvanlarının sahibsiz küçələrə buraxılmasını qarşısının alınması üçün  tapşırıqlarını da verdi.
     Şəhər İcra Hakimiyyətinin başçısı İlham İsmayılov  qaldırılan məsələlərin həlli istiqamətində aidiyyəti şəxslərə konkret tapşırıqlar verməsi bir daha onu sübut etdi ki, Mingəçevirdə vətəndaş amili hər zaman ön planda olub və bundan sonra da olacaq. Çünki artıq səyyar görüşlərdə qaldırılan  məsələlər  öz müsbət həllini tapır. Qeyd edək ki,sakinlər tərəfindən qaldırılan məsələlər şəhərin tədbirlər planına  salınır və  imkan olan kimi  həmin işlərə başlanılır.Qeyd edək ki,ərazidə işıqlanma,qaz,su və yaşılaşma işləri aparılacaq.Başçı hər kəsə işlərində uğurlar arzulayıb və bildirdi ki,işin gedişi ilə yaxından maraqlanacağını  vurğuladı.