Mingəçevir şəhər İcra Hakimiyyətinin başçısı İlham İsmayılov növbəti səyyari görüş keçirdi.
Mingəçevir şəhər İcra Hakimiyyətinin başçısı İlham İsmayılovun sakinlərlə növbəti səyyar görüşü Günəş küçəsindəki X.Şuşinski adına mədəniyyət evində oldu. Görüşü giriş sözü ilə açan şəhər rəhbəri ölkə prezidenti İlham Əliyevin tapşırığına əsasən keçirilən səyyar görüşlərin sakinlərin problem və çətinliklərini, fikir və təkliflərini öyrənmək məqsədi daşıdığını bildirdi. Məhz ölkə prezidentinin imzaladığı sərəncamlarla regionlarda həyata keçirilən iqtisadi inkişaf proqramı çərçivəsində Mingəçevirdə ardıcıl layihələrin reallaşdığını və davam etdirildiyini bildirdi.
Çıxış edən sakinlər onları narahat edən məsələlərdən: əkin sahələrinin suvarılması zamanı qarşılaşdıqları çətinliklərdən, işıqlanma sisteminin olmamasından, işsizlik problemindən, sosial yardım verilişindəki nöqsanlardan, ərazidə tikintisi yarımçıq qalan uşaq bağçası-körpələr evinin tikilməsinin vacibliyindən söz açdılar.
.jpg)
Sonda şəhər rəhbəri qaldırılan problemlərin həll edilməsi üçün aidiyyəti idarə, müəssisə və təşkilat rəhbərlərinə tapşırıqlar verdi.
