Mingəçevirdə şəhərin idarə və müəssisə rəhbərlərinin, ictimaiyyət nümayəndələri ilə Dünya azərbaycanlılarının Həmrəyliyi Günü və Yeni il şənliyi keçirildi

     Dünya azərbaycanlılarının Həmrəyliyi Günü  və Yeni ilin gəlişi münasibəti ilə Mingəçevir Şəhər İcra Hakimiyyətinin təşkilatçılığı ilə bədii əyləncəli tədbir keçirilmişdir.  "Kosmos"  sarayında , şəhərimizin idarə və müəssisə rəhbərlərinin, ictimaiyyət nümayəndələrinin, KİV təmsilçilərinin iştirak etdiyi  tədbirdə çıxış edən Mingəçevir şəhər İcra Hakimiyyətinin başçısı İlham İsmayılov tədbir iştirakçılarını, onların timsalında ailə üzvlərini, bütün mingəçevirliləri təbrik edərək xoş arzularını çatdırmışdır. Ulu Öndər Heydər Əliyevin  təşəbbüsü ilə dünya azərbaycanlılarının həmrəyliyi gününün təsis edilməsindən, bu siyasəti uğurla davam etdirən ölkə prezidenti İlham Əliyevin  rəhbərliyi ilə həyata keçirilən möhtəşəm işlərdən danışan şəhər rəhbəri   son 15 ildə  regionlarda  görülən işlərdən geniş məlumat vermişdir. Sonra  Mingəçevirdə reallaşan işlərdən danışan İlham İsmayılov əminliklə  2019-cu ilin də Mingəçevir üçün uğurlu il olacağını vurğulamışdır.
        Tədbirdə şəhərin ictimai-siyasi həyatında  xidmətləri olan bir qrup şəxslərə Mingəçevir şəhər İcra Hakimiyyətinin Fəxri Fərmanı verildi.
        Musiqiçilərin təqdim etdikləri konsert proqramı, uşaqların rəngarəng rəqsləri tədbirin ovqatını daha da rövnəqləndirmişdir.