27 sentyabr-Anım Günü ilə əlaqədar olaraq Mingəçevir Dövlət Universitetində ədəbi-bədii tədbir keçirilib.
26 sentyabr 2025 | 17:21
Tədbirdə Mingəçevir şəhər İcra Hakimiyyətinin başçısı cənab İlham İsmayılov, YAP Mingəçevir şəhər Təşkilatının sədri cənab Bəxtiyar Mustafayev, Mingəçevir Bələdiyyəsinin sədri cənab Anar İsmayılov, Şəhid ailələrinin üzvləri, qazilər,müharibə veteranları, MDU-nun professor-müəllim və tələbə heyəti iştirak ediblər.Öncə Ulu Öndər Heydər Əliyevin büstü önünə gül dəstələri qoyularaq onun əziz xatirəsini ehtiramla yad edildi.Tədbir torpaqlarımızın ərazi bütövlüyü uğrunda canından keçən qəhrəman Şəhidlərimizin əziz xatirəsinin bir dəqiqəlik sükutla yad edilməsi və Dövlət Himninin səsləndirilməsi ilə başladı. Mingəçevir şəhər İcra Hakimiyyətinin başçısı cənab İlham İsmayılov, Şəhid məzunumuz Kənan Abdullayevin anası dəyərli Azadə Abdullayeva, Vətən müharibəsi iştirakçısı olmuş kafedra müdirimiz Rövşən Babayevlə birlikdə çıxışlar edərək şəhidlərimizin müqəddəs xatirəsini dərin ehtiramla yad edib, onların qəhrəmanlıqlarının gənc nəslə nümunə olduğunu vurğuladılar.Tədbirin bədii hissəsində MDU-nun müəllim və tələbələrinin ifasında vətənpərvərlik ruhunda şeirlər, musiqilər səsləndirilib və “Əsgərə məktub” adlı səhnəcik canlandırılıb. Tədbirdən sonra universitetin həyətində 6 şəhid məzunun xatirəsinə həsr edilmiş ağaclar əkilib.
