Şriftin ölçüsü :

Saytın rəngi :

Mingəçevir şəhər İcra Hakimiyyətinin şəhər sakinlərinə müracəti

10 sentyabr 2021 | 16:00


Mingəçevir şəhər İcra Hakimiyyətinin şəhər sakinlərinə

MÜRACİƏTİ


              Hörmətli şəhər sakinləri və şəhərimizdə müvəqqəti yaşayan qonaqlar!

              Son zamanlar şəhər ərazisində bəzi vətəndaşlar tərəfindən özbaşına tikinti işləri aparılır və ya köşklər quraşdırılır. Bu da öz növbəsində şəhər ərazisindəki ümumi istifadə yerlərinin zəbt olunmasına, küçə ticarətinin yayılmasına, məişət səs-küyünün artmasına və nəticə etibarilə park və küçələrdə asudə vaxtını səmərəli keçirmək istəyən şəhər sakinlərinin haqlı narazılığına səbəb olur. Məsələyə hüquqi müstəvidən baxdıqda isə bu kimi hüquq pozuntuları qanunla müəyyən olunmuş məsuliyyət yaradır.
Belə ki, Azərbaycan  Respublikası  Prezidentinin  “Şəhərsalma  fəaliyyətinin  tənzimlənməsi  sahəsində  əlavə  tədbirlər  haqqında”  17 sentyabr  2018-ci  il  tarixli,  274  nömrəli  Fərmanına  əsasən  mülkiyyətində, icarəsində  və  istifadəsində  torpaq sahəsi  olan  hüquqi və ya fiziki şəxslər  həmin  torpaq  sahələrində  obyekt  tikintisinə  icazə  verilməsi  məqsədilə  tikinti  layihəsinin  şəhərsalma  sənədlərinə  (qüvvədə  olan  müfəssəl  plana, belə plan olmadıqda və ya onun müddəti bitdikdə, tikintiyə icazə verilməsinin mümkünlüyünün Azərbaycan Respublikasının Şəhərsalma və Tikinti Məcəlləsinin  11-ci  maddəsinə, o cümlədən ərazilərin zonalaşdırılması, tikinti növü və miqyası ilə bağlı müfəssəl qaydalara və yaşayış məntəqələrində yanaşı sahələrdə tikinti aparılmasının əsas şərtlərinə) uyğunluğu barədə Azərbaycan Respublikası Dövlət Şəhərsalma və Arxitektura Komitəsindən  rəy  alınması  məqsədilə  şəhərsalma  əsaslandırılması  layihəsi  işlədərək  yerli  icra  hakimiyyəti  orqanlarına  təqdim  etməlidir.  Yerli  icra  hakimiyyəti  orqanları  uyğunluq barədə Azərbaycan Respublikası Dövlət Şəhərsalma və Arxitektura Komitəsindən  rəy  alınması  məqsədilə  ilkin mərhələdə təqdim olunmuş şəhərsalma  əsaslandırılması  layihələrini razılaşdırılması üçün  Azərbaycan Respublikası Dövlət Şəhərsalma və Arxitektura Komitəsinə göndərir. Şəhərsalma əsaslandırılmasının təsdiq edilməsi haqqında Azərbaycan Respublikası Dövlət Şəhərsalma və Arxitektura Komitəsinin  Sərəncamı  yerli icra hakimiyyətinə göndərildikdən sonra  sifarişçi tərəfindən tikinti obyektinin layihəsi (memarlıq həlli) işlədilərək şəhərsalma  sənədlərinə  uyğunluğu barədə Azərbaycan Respublikası Dövlət Şəhərsalma və Arxitektura Komitəsindən rəy alınması məqsədilə yerli icra hakimiyyətinə təqdim edilməlidir. 
Yerli icra hakimiyyəti orqanları yalnız tikinti  layihəsinin  şəhərsalma  sənədlərinə  (qüvvədə  olan  müfəssəl  plana, belə plan olmadıqda və ya onun müddəti bitdikdə, tikintiyə icazə verilməsinin mümkünlüyünün Azərbaycan Respublikasının Şəhərsalma və Tikinti Məcəlləsinin  11-ci  maddəsinə, o cümlədən ərazilərin zonalaşdırılması, tikinti növü və miqyası ilə bağlı müfəssəl qaydalara və yaşayış məntəqələrində yanaşı sahələrdə tikinti aparılmasının əsas şərtlərinə) uyğunluğu barədə Azərbaycan Respublikası Dövlət Şəhərsalma və Arxitektura Komitəsinin  rəyi  olduqda tikintiyə icazə verirlər. 
              Eyni zamanda bildiririk ki, şəhərsalma və tikinti fəaliyyəti sahəsində qanunvericiliyin  tələblərinin pozulmasına görə məsuliyyət Azərbaycan Respublikasının İnzibati Xətalar Məcəlləsinin 394 və 395-ci maddəsində öz əksini tapmışdır:

Maddə 394. Şəhərsalma və tikinti fəaliyyəti sahəsində qanunvericiliyin pozulması

394.0. Şəhərsalma və tikinti fəaliyyəti sahəsində qanunvericiliyin pozulmasına, yəni:
394.0.1. lisenziya olmadan tikintisinə icazə tələb olunan və ya barəsində məlumatlandırma icraatı tətbiq olunan bina və qurğuların layihələndirilməsi, yaxud tikintisinə icazə tələb edilən bina və qurğuların mühəndis-axtarış və ya tikinti-quraşdırma işləri ilə məşğul olmağa;
394.0.2. Azərbaycan Respublikası Şəhərsalma və Tikinti Məcəlləsinin tələbləri pozulmaqla müfəssəl planlarda dəyişiklik edilməsinə;
394.0.3. Azərbaycan Respublikasının Şəhərsalma və Tikinti Məcəlləsinə əsasən ekspertizadan keçirilməsi tələb olunan tikinti layihələrini ekspertizadan keçirmədən tikinti obyektlətinin tikintisinin həyata keçirilməsinə;
394.0.4. müvafiq icra hakimiyyəti orqanının rəyi olmadan dini ibadət yerinin tikintisinə və ya mövcud dini ibadət yerinin yenidən qurulmasına;
394.0.5. mühəndis-axtarış və tikinti-quraşdırma işlərinin yerinə yetirilməsi zamanı tikinti norma və qaydalarını pozmağa;
394.0.6. tikintisinə icazə tələb edilən tikinti obyektinin istismara verilməsi qaydalarını pozmağa;
394.0.7. tikintiyə dövlət nəzarəti çərçivəsində tikinti işləri ilə bağlı müvafiq icra hakimiyyəti orqanının Azərbaycan Respublikasının Şəhərsalma və Tikinti Məcəlləsi ilə müəyyən edilmiş yazılı göstərişlərinə və tikinti işlərinin dayandırılması ilə bağlı qərarlarına, habelə tikintisinə icazə tələb olunan açıq məkanda reklam qurğularının tikintisi işləri ilə bağlı müvafiq icra hakimiyyəti orqanının yaratdığı qurumun həmin Məcəllə ilə müəyyən edilmiş yazılı göstərişlərinə və qərarlarına əməl etməməyə görə
-fiziki şəxslər üç yüz manatdan beş yüz manatadək məbləğdə, vəzifəli şəxslər min beş yüz manatdan iki min beş yüz manatadək məbləğdə, hüquqi şəxslər on beş min manatdan iyirmi beş min manatadək məbləğdə cərimə edilir.

Maddə 395. Özbaşına tikinti işlərinin aparılması

395.1. Müvafiq icra hakimiyyəti orqanının və ya müvafiq icra hakimiyyəti orqanının yaratdığı qurumun icazəsi alınmadan Azərbaycan Respublikasının Şəhərsalma və Tikinti Məcəlləsində müəyyən edilmiş tikintisinə icazə tələb olunan tikinti obyektlərinin inşa edilməsinə görə-
fiziki şəxslər üç yüz manatdan beş yüz manatadək məbləğdə, vəzifəli şəxslər min beş yüz manatdan iki min beş yüz manatadək məbləğdə, hüquqi şəxslər on beş min manatdan iyirmi beş min manatadək məbləğdə cərimə edilir.
395.1-1. Müvafiq icra hakimiyyəti orqanının yaratdığı qurumun icazəsi alınmadan tikintisinə icazə tələb olunan açıq məkanda reklam qurğularının tikintisinə, quraşdırılmasına və onlara konstruktiv dəyişikliklərin edilməsinə görə -
fiziki şəxslər üç yüz manatdan beş yüz manatadək məbləğdə, vəzifəli şəxslər min beş yüz manatdan iki min beş yüz manatadək məbləğdə, hüquqi şəxslər on min manatdan on beş min manatadək məbləğdə cərimə edilir.
395.2. Tikintisinə icazə tələb olunan tikinti obyektlərinin (tikintisinə icazə tələb olunan açıq məkanda reklam qurğuları istisna olmaqla) funksional təyinatı dəyişdirilməklə, onlarda qanunsuz olaraq yenidən planlaşdırma və yenidənqurma işlərinin aparılmasına, mühəndis, nəqliyyat şəbəkələrinə, sistemlərinə və qurğularına qoşulmasına və dəyişikliklər edilməsinə görə -
fiziki şəxslər üç yüz manatdan beş yüz manatadək məbləğdə, vəzifəli şəxslər min beş yüz manatdan iki min beş yüz manatadək məbləğdə, hüquqi şəxslər on beş min manatdan iyirmi beş min manatadək məbləğdə cərimə edilir.
         Odur ki,vətəndaşlardan bu qaydalara əməl etmələri xahiş olunur.

Keçidlər