Mingəçevir şəhərində dezinfeksiya işləri hər gün davam etdirilir.
03-04.09.2020-ci il tarixlərində Dezinfeksiya Stansiyasının mütəxəssisləri tərəfindən 72 ədəd sərnişindaşıyan avtobus, hündürmərtəbəli binalarda 26 ədəd lift kabinaları və onun düymələri gündə 2 dəfə olmaqla dezinfeksiya olunub. 172 ədəd yüksəkmərtəbəli yaşayış binalarının giriş və pilləkən qəfəsələri, 60 küçə və 3 yaşayış massivi dezinfeksiya edilmişdir.
Daimi fəaliyyət göstərən 11 işçi qrupu tərəfindən əhali arasında dəfn mərasimləri istisna olmaqla yas mərasimlərinin qadağan olunması, ictimai yerlərdə sosial məsafəni gözləmək, fərdi vasitələrdən (tibbi maska) istifadənin vacibliyi barədə maarifləndirici işlər aparılır.
Gigiyena və Epitomologiya Mərkəzi, Polis şöbəsi və İcra Hakimiyyətinin nümayəndələri ilə birgə yaradılmış işçi qrupu tərəfindən qida məhsullarının ticarəti ilə məşğul olan müəssisələrdə, müxtəlif ticarət və xidmət sahələrində tətbiq olunan tələblərə riayət edilməsinin monitorinqi aparılmış və qanuna müvafiq olaraq pozulma hallarına qarşı sahibkar subyektlərinə 21 xəbərdarlıq və 5 protokol tərtib edilmişdir.
.jpg)
