Mingəçevir Turizm Kollecində dövlət mütəqilliyi günü münasibəti ilə konfrans keçirilib
Azərbaycan Respublikasının dövlət müstəqilliyinin 27 –ci ildönümü Mingəçevir Turizm Kollecində silsilə tədbirlərlə bayram edilib. Bu münasibətlə istedadlı tələbələr arasında inşa, rəsm müsabiqələri, bilik yarışı və idman turniri təşkil olunub, kitab sərgisi və müstəqillik tarixindən bəhs edən filmə baxış keçirilib, həmçinin dəyrimi masa ətrafında xalqımızın azadlıq tarixi barədə fəal müzakirələr aparılıb. “Müstəqil Azərbaycan” mövzusunda tələbələrin fərdi yaradıcılıq nümunələrindən ibarət rəsm və əl işləri sərgisi bu tədbirlər arasında xüsusi ilə diqqəti cəlb edib. Dövlət müstəqilliyi gününə həsr olunmuş tədbirlər silsiləsinə elmi -nəzəri konfransla yekun vuran bayram tədbiri iştirakçıları öncə bu sərgiyə baxış keçirərək gənclərin vətənpərvər duyğularının təcəssümü olan əsərlərlə yaxından tanış olub. Eyni zamanda sərgi iştirakçılarına qəhrəmanlıq tariximizdən bəhs edən videoçarx nümayiş olunub