Mingəçevir Turizm Kollecində görkəmli bəstəkar Qara Qarayevin 100 illik yubileyinə həsr olunmus aşıq dərslər keçirilib
Azərbaycanın görkəmli bəstəkarı Qara Qarayevin 100 illik yubileyinin qeyd olunması Mingəçevir Turizm Kollecində zəngin və rəngarəng tədbirlər proqramı üzrə aparılır. Proqrama müxtəlif diskussiya, sərgi, müsabiqə, konfransların keçirilməsi daxildir. Kollecdə mövcud olan ənənələrdən biri də tarixi günlərə, əlamətdar hadisələrə həsr olunmuş xüsusi dərslərin təşkil edilməsidir. Kollecdə görkəmli bəstəkar Qara Qarayevin 100 illik yubleyinin keçirilməsi ilə əlaqədar 2017-2018-ci tədris ilinin II semestrinin ilk dərsləri Dahi Bəstakarın yaradıcılığına həsr olunub. Dərslərdə qrup tələbələri ilə yanaşı mövzu ilə maraqlanan digər qrupların tələbələrinin, müəllimlərin iştirakına da şərait yaradılıb. Müəllimlər ənənəvi pedaqoji qaydalara riayət edərək əvvəlcə Azərbaycanın musiqi mədəniyyətinə aid qısa sorğu keçirib. Mövzuya dair tələbələrin bilikləri barəsində məlumat əldə edilib. Dərsin gedişində öncə tələbələrə Qara Qarayevin həyat yolu barədə məlumat verilib, təhsili, tərcümeyi–halı, yetişdirdiyi tələbələrin uğurlarından danışılıb. Daha sonra bəstəkarın yaradıcılığı haqqında ətraflı məlumatlar çatdırılıb. Dinləyicilər bəstəkarın əsərləri barədə olduqca müfəssəl məlumatlarla tanış olub. Dərslərdə xüsusilə də “Yeddi gözəl “və “İldırımlı yollarla”baletlərinin incəsənətimizdəki yeri və əhəmiyyəti vurğulanıb. Dərslərin sonunda iştirakçıları maraqlandıran çoxsaylı suallara aydınlıq gətirilib, dinləyicilərin mövzu ilə bağlı fikirləri öyrənilib.